በስልጠናው የተሳተፉ አረጋዊያን የእድር ማህበሮች እና ባለድርሻ አካላት ለአረጋውያን በወጡ የህግ ማዕቀፎች ላይ ስልጠና ተሰጠ። በስልጠናው ንግግር ያደረጉት የልደታ ክ/ከተማ ፍትህ ጽ/ቤት ሀላፊ አቶ ወርቁ ከተማ እንደተናገሩት አረጋዊያን በህብረተሰባችን ትልቅ ቦታ የሚሰጣቸዉ የትዉልድ ተምሳሌት እና ሀብት መሆናቸዉን በመግለፅ መብታቸዉን ማስጠበቅ እና የፍትህ አካላት ሀላፊነት መሆኑን ገልፀዋል። በስልጠናዉ ላይ የፍትህ ሚኒስቴር የልደታ ቅርንጫፍ ፅ/ቤት ሀላፊ የሆኑት አቶ አሰፋ በፍትህ ሚኒስቴር በኩል ብዙ ስራዎች እንደሚሰሩ እና የአረጋውያንን መብት በማስጠበቅ ረገድ ሁሉም በየደረጃው የራሱን ሚና እንደሚወጣ ገልፀዋል። ስልጠናዉን የሰጡልን ዐቃቤ ህግ ወ/ሮ አልጋነሽ ገ/ስላሴ የአረጋውያን የፅንሰ ሀሳብ ምንነት የአረጋውያን መሰረታዊ ችግሮች ከስነ ልቦና የማህበራዊ ችግሮች እና ችግሮችን ለመቅረፍ ምን መደረግ አለበት በሚለዉ ማብራሪያ የተሰጠ ሲሆን የአረጋውያን መብቶች ከህጉ አንፃር ስልጠና ተሰቷል። በስልጠናዉ መጨረሻ ከተሳታፊዎች የተነሱት ጥያቄዎች ላይ ማብራሪያ ተሰጥቷል ።